عفاريت الراديو

قريبًا

،،،،،،،،،،

مش سرّ

مالكش دعوة خالص
بالأشباح
 اللي بتطلع 
يوم الجمعة الصبح ..
ماتزعجهاش
أرجوك
وهي بتشتغل
دي لسة هتكنس الشوارع
من زحمة الخميس 
وهتنضّف الميادين
من وجع أسبوع بحاله

أراهنك إنها :
هتطِلق الحمام
قبل ما تمسح السطوح
وهتغسل الشبابيك
من الكوابيس
 اللي لزقت ع الإزاز 
بسبب الحر ..

الجميل
انها بتعمل ده كله بدون مقابل
وبدون أي صوت
فماتعلّيش حسك
مانتاش لوحدك اللي شايفها
كلنا شايفينها وساكتين
قافلين على نفسنا
خايفين ننزل م البيوت
 لنبوّظ شغلها
وده السبب الوحيد
لفضيان الشوارع
يوم الجمعة الصبح

...

شعر  محمد خير

نشرت في أخبار الأدب بتاريخ

10/8/2008