حل مناسب

لا مش تهيؤات
دي

مش تهيؤات
ده البيت بيوسع بجد
السقف بيـعلا
والشبابيك بتوطّي
تجيبلي الناس م الشارع
فجأة بقيت ساكن في ميدان
متشرد في أوضتي
مالحقتش حتى

أخبّي مشاعري
فرميت المفاتيح
وعملت نفسي
كأني واحد من الداخلين
كده أرحم بكتير
على الأقل
هاقسم معاهم
اللي هايسرقوه منّي
واحنا بنضحك قوي

على صاحب البيت

،،،،،،

،،،

شعر محمد خير

نشرت في جريدة الشروق المصرية 28/7/2009

فضفضة

،

،

،

عن القصة والعامية والأغنية وأشياء أخرى

.

.

.

.

.

.