هدايا الوحدة .. محمد خير

في لحظة خرقاء

استندنا سويا

إلى سور حديقة

لم يكن الطلاء قد جف بعد

مؤخرا

مررت من هناك

ُنظرت

رأيت أثر جسدينا

في الحديد الذي كان لامعا يومنا

لا تسيئي الظن

أعادوا طلاء السور مرارا

بعد تلك المرة

لكنني

مازلت أميّز أثرنا رغم ذلك

،،

محمد خير

ديوان

هدايا الوحدة

صدَر عن دار ميريت - القاهرة

مسكين

طبعًا عرفت بمنتهى السهولة

إنك كنت هنا

قبل ما اوصل بدقايق

انت فاكر انك لمّا فضّيت الطفاية

وفتحت الشبابيك

عشان تهوي الأوضة وترتبها

يبقى خلاص ؟

مش هاخد بالي

إن روح تانية

اقتحمت مكان وحدتي الوحيد ؟

طب انا مش هاتكلم عن أحزانك

اللي سابتلي بقع سودا ع الحيطان

أوضح من إني ماشوفهاش

ولا عن نور اللمبة

اللي قعدت أحوش في اشعتها سنين

وجيت لخبطتهالي

لأنك كنت  مشغول

بمسح آثار رجليك من ع السجادة

هانسيبنا من ده كله

وهاعمل نفسي ماخدتش بالي

لكن يا أخي

معقولة ماخدتش بالك

م المراية اللي ضهر الباب

اللي دخلته برجليك

ما انتبهتش

إنك نسيت صورتك فيها وخرجت؟

صورتك المندهشة

مش هتسيب المراية قبل سنين

وأنا واقف دلوقتي باتطلع فيها بوضوح تام

مع إن زمانك دلوقتي وصلت البيت

ولسة بتنهج من طلوع السلّم

وفاكر نفسك بتلهوس

لأن مراية حمامك

مش عاكسة غير صورة سيراميك الحيطة اللي وراك

بس انا عايز اقولك 

قبل ما يغمى عليك م الخوف

أنا فعلا زعلان علشانك

آخر مرة شفتك فيها 

ماكنتش بالسذاجة دي

،،،،،،

،،،،،،،

،،،،،،

،،،،،،

شعر 

محمد خير

ديوان بارانويا - دار ميريت 2008

 

حل مناسب

لا مش تهيؤات
دي

مش تهيؤات
ده البيت بيوسع بجد
السقف بيـعلا
والشبابيك بتوطّي
تجيبلي الناس م الشارع
فجأة بقيت ساكن في ميدان
متشرد في أوضتي
مالحقتش حتى

أخبّي مشاعري
فرميت المفاتيح
وعملت نفسي
كأني واحد من الداخلين
كده أرحم بكتير
على الأقل
هاقسم معاهم
اللي هايسرقوه منّي
واحنا بنضحك قوي

على صاحب البيت

،،،،،،

،،،

شعر محمد خير

نشرت في جريدة الشروق المصرية 28/7/2009

فضفضة

،

،

،

عن القصة والعامية والأغنية وأشياء أخرى

.

.

.

.

.

.

بيت العامية المصرية

لمّـة

صوتك أمانة :)

صفحتي على

goodreads

،،،،

شكرا للصديقة نهى حسن

ضحكة المواساة

غريب جدًا
المقريء مش ضرير
والزحمة في صوان العــزا 
 هادية
حتى أثناء الفواصل ..
وانا غرقان مع همومي 
في الكرسي القطيفة
مع رفض مطلق
لأي مشروب مرّ ..
وعينيا مستخبيين
من نور النيون
سرحانين
في زخرفات الفـِــراشة ..

الحزن للعايشين

كان بيطلّ من عين العجوز
اللي استقبلنا في المدخل
صوابعه كانوا بيترعشوا
وهمّا بيسلّموا
على طوابير المجاملة 

ماحدش من الداخلين 
يعرف زيّه
 طعم خسران المحبة
 اللي عاشت نص قرن ..

هوه الوحيد في المكان
معاه مشاعر أقدم 
من مقر العــزا ،،
وحبيبة 
شايفها دلوقتي
بنفس بهجتها وجمالها من خمسين سنة
واقفة قدامه
وبتبتسم
مع إن الليلة دي
مافيهاش عزاء للسيدات

.........

،،،،،،،،،،،،،

نشرت في جريدة أخبار الأدب

بتاريخ 10/8/2008 

في مكتبة بدرخان

أمسيتي الشعرية في مكتبة بدرخان

الصورة بعدسة الفنان طلال عفيفي

على يميني الفنان حسن زكي ، والفنان أحمد مصطفى

ما لم يفاجئني

عرفتُ
أنني سأرتاح طويلاً من الحب
فاتخذتُ فندقًا بحريًا
وجعلت شرفتي منخفضة جدا
وقريبة
حتى أنني كلّما قلّبت صفحة
كنت ابلل إصبعي في الموج ،
هادئًا جلست
ولم استعمل المفتاح
تركت الباب مواربًا
كي تتنفس الريح في غرفتي

بلا خجل
وفي الليل
علّقت قمرًا خافتًا فوق الفراش
وارتديت أحلامًا
وجدتها في الخزانة
وذُبت في نفسي
حتى أيقظتني اليد التي طرقت نعاسي
وقدمت لي في الصباح
- دون أن تنتبه –
إفطارًا لشخصين

!

سأتفهم هذه الغلطة
فحقيبتي
بعد كل هذه السنوات
أصبحت تبدو

كأنها امرأتي

،،،

،،،

،،،

شعر

محمد خير

نشرت في الأخبار اللبنانية بتاريخ 9/4/2009

استعد

عشر دقايق بس قدامك

عشان تضحك

بعدها

هتضيع الجدوى من الموضوع

وخد بالك

ابتسامة العجز

مش هاتليق عليك

اكتر مابيليق السحاب في صورة ع الحيطة

فخد نفس عميق

قبل اما تغطس

والا احسن لك بقى

تفضل ع الشط معايا

وسط الهدوء المناسب للفرجة

على ذكرياتنا الميتة

مع بعض

معلهش

القسوة ساعات بتكون ضرورية

ما انت الغلطان

صرّخت بشدة لما انقطع النور

واحنا بنتمشى بين تماثيل الشمع

كأنها هتطاردك

ف جريت

وسيبتني واقف وحدي

خايف

تايه

مش عارف : أجري وراك؟

وللا اضحك ع الضلمة كأني ضرير

وانساك نهائيًا

.........

شعر محمد خير

ديوان ليل خارجي

ميريت 2002

عن : عفاريت الراديو

الكاتب الكبير محمود الورداني يكتب عن .. عفاريت الراديو

عفاريت محمد خير

عفاريت الراديو ، بارانويا ، ليل خارجي

 

مجموعتي القصصية  "عفاريت الراديو" متوفرة في مكتبة "آفاق" بشارع القصر العيني

مكتبة "بدرخان " - 7 شارع ستديو الأهرام - من ش الهرم - الجيزة 

 مكتبة " البلد " -  شارع محمد محمود أمام الجامعة الأمريكية

مكتبة "سندباد" خلف فندق الكوزموبوليتان - الشريفين - وسط البلد

مكتبة " مدارك" - أمام فندق الكوزموبوليتان - وسط البلد

وفي  جاليري "كونست " -28 شارع شريف - وسط البلد

،،،

ديوان "بارانويا " متوفر في "دار ميريت" 6 ب شارع قصر النيل بجوار سينما ومسرح قصر النيل

مكتبة "بدرخان " - 7 شارع ستديو الأهرام - من ش الهرم - الجيزة 

مكتبة البلد - شارع محمد محمود أمام الجامعة الأمريكية 

مكتبة "سندباد" شارع أبوبكر خيرت خلف فندق كوزموبوليتان - وسط البلد

مكتبة " مدارك " - أمام فندق الكوزموبوليتان - وسط البلد

 جاليري كونست بشارع شريف

،،،،

ديوان "ليل خارجي " متوفر في "دار ميريت " 6ب شارع قصر النيل بجوار سينما ومسرح قصر النيل

مكتبة "بدرخان " - 7 شارع ستديو الأهرام - من ش الهرم - الجيزة 

مكتبة "عمر بوك ستورز "بشارع طلعت حرب فوق مطعم فلفلة

مكتبة "سندباد" شارع أبوبكر خيرت خلف فندق كوزموبوليتان- وسط البلد

جاليري كونست بشارع شريف

هدايا الوحدة

فوق أرفف المطبخ

تركتِ لي

كل هذه العلب

وقد ألصقت فوقها

أوراقك الصغيرة

وخطك الكبير

يشرح اسماء البهارات

بوضوح وصبر‮..‬

كنت أعرف

أن هذا الحنان

سيؤلمني يوما‮..

‬لكنني

مازلت آمل

أن ثمة مستقبلا

سيجعل الأحزان

أخف وطأة

ويسمح لنا

بانتقاء المشاعر التي تناسبنا

من فوق أرفف

ليس لها ذاكرة

كل هذه العلب في مطبخي

لم تنقص‮- ‬إلي الآن‮-‬ذرة فلفل‮..

‬نسيتِ

أنني أنسي دائما

ان استخدم البهارات‮..‬‮

.،،،،،،،،،،،،،،،،،

،
،
،
،

شعر

محمد خير

مقطع من ديوان "هدايا الوحدة" .. تحت الطبع

نشرت في أخبار الأدب بتاريخ 11 يناير2009

توقيع .. عفاريت الراديو

عفاريت الراديو .. الآن في المكتبات 

تحديث

شكرا  جزيلا للأصدقاء الذين شرفوني بحضور التوقيع

،،،،،،،،،،،،،،،،،،،،،،،،،،،،،،

تغطية اليوم السابع

الصورة في الخبر لأسامة فاروق ، فشكرا له

،،،،

تغطية صحيفة البديل

،،،،،،،،،،،،،،،،،،،،،،،،،،،،،،،،،،

بانتظاركم لإطلاق مجموعتي القصصية "عفاريت الراديو " التي صدرت عن دار ملامح ، ويسعدني أن يشاركني المناسبة الزميل  العزيز "احمد وائل " الذي يوقّع روايته الأولى " ليسبو"  عن نفس الدار، فأهلاً بكم 

موعدنا يوم الثلاثاء 6 يناير،  السابعة والنصف مساء ، في "جاليري كونيست " ، 28 شارع شريف - وسط البلد